ఉట్నూరులో హైదరాబాద్ ఫోటో ఎక్స్‌పో పోస్టర్స్ ఆవిష్కరణ ఘనంగా

ఫోటోస్పాట్ : ఉట్నూర్ పట్టణంలో విశేషంగా ఫోటోగ్రఫీ రంగానికి సంబంధించిన ఒక మహత్తర కార్యక్రమం ఘనంగా జరిగింది. తెలంగాణ రాష్ట్ర ఫోటో అండ్ వీడియో అసోసియేషన్ మరియు ఎడిట్ పాయింట్ ఇండియా ఆధ్వర్యంలో జరగబోతున్న "హైదరాబాద్ ఫోటో ఎక్స్‌పో" పోస్టర్స్‌ను గౌరవనీయులు శ్రీమతి కాజల్ సింగ్, IPS, అదనపు పోలీసు అధికారి (ASP) ఉట్నూర్ గారి చేతుల మీదుగా ఆవిష్కరించారు.ఈ సందర్భంగా ఉట్నూర్ ఫోటో అండ్ వీడియో అసోసియేషన్ వారు ప్రత్యేక కార్యక్రమాన్ని ఏర్పాటు చేసి, ఐపీఎస్ అధికారి కాజల్ సింగ్ గారికి ఘన సన్మానం చేశారు. ఫోటోగ్రాఫర్స్ సమాజం కోసం నిరంతరం కృషి చేస్తున్న తెలంగాణ రాష్ట్ర ఫోటో అండ్ వీడియో అసోసియేషన్ మరియు ఎడిట్ పాయింట్ ఇండియా కలసి తీసుకున్న ఈ ప్రయత్నం, రాష్ట్రంలోని ఫోటోగ్రాఫర్స్‌కు మరింత ఉత్సాహాన్ని నింపుతుందని స్థానిక ఫోటోగ్రాఫర్స్ అభిప్రాయపడ్డారు.కార్యక్రమంలో ఉట్నూర్ ఫోటో అండ్ వీడియో అసోసియేషన్ ప్రతినిధులు, స్థానిక నాయకులు, ఫోటోగ్రాఫర్లు, వీడియోగ్రాఫర్లు మరియు పలువురు ప్రముఖులు పాల్గొన్నారు.హైదరాబాద్ ఫోటో ఎక్స్‌పో గురించి మాట్లాడుతూ నిర్వాహకులు, ఇది ఫోటోగ్రఫీ మరియు వీడియోగ్రఫీ రంగంలో కొత్త సాంకేతికతలు, ఆధునిక పరికరాలు, డిజిటల్ పరిజ్ఞానం, అలాగే యువతకు ప్రేరణనిచ్చే వేదికగా నిలుస్తుందని తెలిపారు.ఈ వేడుకలో ఐపీఎస్ కాజల్ సింగ్ మేడం గారు, ఫోటోగ్రాఫర్స్ కృషిని ప్రశంసిస్తూ, "సామాజిక కార్యక్రమాలు, సాంస్కృతిక వేడుకలు, అలాగే చరిత్రాత్మక సంఘటనలను సమాజానికి అందించే ప్రక్రియలో ఫోటోగ్రఫీ కీలక పాత్ర పోషిస్తోంది" అని అన్నారు. సభ ముగింపులో, ఉట్నూర్ ఫోటో అండ్ వీడియో అసోసియేషన్ తరఫున అధికారులు, ఈ కార్యక్రమానికి హాజరైన ప్రతీ ఒక్కరికీ ధన్యవాదాలు తెలిపారు.