విశాఖలో జరగనున్న ఫోటో ట్రేడ్ ఎక్స్పో పోస్టర్ ఆవిష్కరణ

ఫోటోస్పాట్ :  జనవరి 3, 4, 5 తేదీలలో విశాఖపట్నంలో ఘనంగా నిర్వహించనున్న ఫోటో ట్రేడ్ ఎక్స్పోకు సంబంధించిన అధికారిక పోస్టర్‌ను ఈరోజు ఆవిష్కరించారు. ఫోటోగ్రఫీ & వీడియోగ్రఫీ రంగాల్లో తాజా సాంకేతికత, నూతన పరికరాలు, ప్రాక్టికల్ నైపుణ్యాలను ఒకే వేదికపై పరిచయం చేయాలనే లక్ష్యంతో ఈ ఎక్స్పోను నిర్వహిస్తున్నారు. ఈ కార్యక్రమంలో అనకాపల్లి జిల్లా కార్యవర్గ పెద్దలతో కలిసి ఆంధ్రప్రదేశ్ ఫోటోగ్రాఫర్స్ మరియు వీడియో గ్రాఫర్స్ వెల్ఫేర్ అసోసియేషన్ రాష్ట్ర గౌరవ అధ్యక్షులు CH. మధు, అధ్యక్షులు శ్రీ పోసిన వీరేంద్ర కుమార్, ఉపాధ్యక్షులు శ్రీ చుక్కా లోవ బాబు, ఆర్గనైజింగ్ సెక్రటరీ శ్రీ ప్రగడ చక్ర రావు పాల్గొని పోస్టర్‌ను ఆవిష్కరించారు. పోస్టర్ ఆవిష్కరణ సందర్భంగా నేతలు మాట్లాడుతూ—ఈ ఫోటో ట్రేడ్ ఎక్స్పో ద్వారా ఫోటోగ్రాఫర్లు, వీడియోగ్రాఫర్లు, ఆల్బమ్ డిజైనర్లు, కంటెంట్ క్రియేటర్లకు దేశీ–విదేశీ బ్రాండ్లతో నేరుగా పరిచయం, లైవ్ డెమోలు, టెక్నికల్ సెషన్లు, ప్రాక్టికల్ వర్క్‌షాప్స్ లభిస్తాయని తెలిపారు. యువతకు కెరీర్ అవకాశాలు విస్తరించేలా నూతన ట్రెండ్స్, AI ఆధారిత టూల్స్, పోస్ట్-ప్రొడక్షన్ టెక్నిక్స్‌పై ప్రత్యేక సెషన్లు ఏర్పాటు చేయనున్నట్లు పేర్కొన్నారు. మూడు రోజుల పాటు సాగే ఈ ఎక్స్పోలో ప్రముఖ కంపెనీల స్టాల్స్, ప్రొడక్ట్ లాంచ్‌లు, ప్యానల్ డిస్కషన్లు, నెట్‌వర్కింగ్ మీట్స్ నిర్వహించనున్నారు. రాష్ట్రవ్యాప్తంగా ఉన్న ప్రొఫెషనల్స్ పెద్ద సంఖ్యలో పాల్గొని ఈ కార్యక్రమాన్ని విజయవంతం చేయాలని నిర్వాహకులు పిలుపునిచ్చారు. విశాఖను ఫోటోగ్రఫీ & మీడియా రంగానికి కేంద్రంగా తీర్చిదిద్దే దిశగా ఇది ఒక ముఖ్యమైన అడుగు అని వారు అభిప్రాయపడ్డారు.