ఫోటోగ్రాఫర్స్ జిల్లాస్థాయి క్రికెట్ టోర్నమెంట్ పోటీలు ప్రారంభం

ఫోటోస్పాట్ : ఫోటోగ్రాఫర్స్ జిల్లాస్థాయి క్రికెట్ టోర్నమెంట్ పోటీలు ప్రారంభం. మంచిర్యాల జిల్లా ఫోటో అండ్ వీడియో గ్రాఫర్స్ వెల్ఫేర్ అసోసియేషన్ ఆధ్వర్యంలో నస్పూర్ లోని నాగార్జున కాలనీ సింగరేణి ప్రాణహిత స్టేడియంలో ఫోటోగ్రాఫర్స్ జిల్లాస్థాయి క్రికెట్ టోర్నమెంట్ పోటీలు శుక్రవారం అట్టహాసంగా ప్రారంభమయ్యాయి. ఈ పోటీలను సిపిఐ రాష్ట్ర కార్యదర్శివర్గ సభ్యులు కలవేని శంకర్, అసోసియేషన్ జిల్లా అధ్యక్షుడు నల్ల సతీష్ తో కలిసి క్రీడాకారులను పరిచయం చేసుకుని పోటీలను ప్రారంభించారు. ఈ సందర్భంగా వారు మాట్లాడుతూ క్రీడలు మానసికొల్లాసానికి ఎంతో ఉపయోగపడతాయని అన్నారు. ఫోటో అండ్ వీడియో గ్రాఫర్స్ నిత్యం వారి వారి పనుల్లో బిజీ బిజీగా ఉంటారని, మానసిక ఒత్తిడిని జయించడానికి ఇలాంటి క్రీడలు ఎంతో దోహదపడతాయన్నారు. ఈ క్రికెట్ టోర్నమెంట్ పోటీల్లో అందరూ క్రీడాస్ఫూర్తితో ఆటలను కొనసాగించాలని కోరారు. 21 నుండి 26వ తేదీ వరకు ఆరు రోజులపాటు పోటీలు జరగనున్నాయని.. ఈ టోర్నమెంట్లో 12 జట్లు పాల్గొంటున్నాయని నిర్వాహకులు తెలిపారు. ఈ కార్యక్రమంలో జిల్లా ప్రధాన కార్యదర్శి గని రవీందర్, కోశాధికారి శ్రీపతి రవి, ఆర్గనైజర్స్ ముక్కెర శ్రీను, చిన్న సుధాకర్, నూనె సురేష్, లడ్డ సాయి, మేరుగు భానుప్రకాష్, సంపత్, అభిలాశ్ రెడ్డి, 18 మండలాలకు చెందిన అసోసియేషన్ అధ్యక్షులు, క్రీడాకారులు పాల్గొన్నారు.